Hinjewadi Traffic Issue : आयटीत पाऊस थांबला, पाणी ओसरले.. मग घोडे आडले कुठे? वाहतूक कोंडीने नागरिक त्रस्त

- बेलाजी पात्रे

हिंजवडी - आयटी पार्क माण-हिंजवडी परिसर फाईव्ह स्टार असला तरी येथील वाहतूक समस्या आणि रस्ते मात्र सध्या थर्ड क्लास दर्जाचे झाले आहेत. दररोज सकाळी-सायंकाळी कोंडीत अडकणाऱ्या आयटीयन्सच्या नाकात जीव आला आहे. कुठल्या ना कुठल्या कारणाने ही कोंडी नित्याची झाली आहे. मंगळवारी (ता. १०) सायंकाळी साडे पाचच्या सुमारास तीन तास कोंडी झाली होती.