सरकारला जाग आणण्यासाठी रिक्षा बंद; पिंपरी-चिंचवडमधील रिक्षाचालक काय म्हणतायेत वाचा 

सरकारला जाग आणण्यासाठी रिक्षा बंद; पिंपरी-चिंचवडमधील रिक्षाचालक काय म्हणतायेत वाचा 

पिंपरी : "कोरोनाने रिक्षाचालकांचे जगणे मुश्‍कील झाले आहे. त्यामुळे चालकांची हलाखीची परिस्थिती झाली आहे. कमी प्रवाशांना दिलेल्या परवानगीमुळे व्यवसाय निम्म्यावर आला. यासाठी झोपेचे सोंग घेतलेल्या प्रशासनाला जाग आणण्यासाठी 1 ऑक्‍टोबरला एक दिवस रिक्षा बंद ठेवण्याचा निर्णय घेतला आहे,'' अशी माहिती रिक्षा पंचायतीचे अध्यक्ष अशोक मिरगे यांनी दिली. 

पिंपरी-चिंचवडच्या बातम्या वाचण्यासाठी येथे ► क्लिक करा 

शाहूनगर-केएसबी चौकात रिक्षा पंचायतीच्या वतीने जाहीर सभा घेण्यात आली. या सभेला भोसरी, निगडी, पिंपरी आणि काळेवाडीतून सहभागी झालेल्या रिक्षाचालक व मालकांनी 'चलो जिल्हाधिकारी कचेरी एक साथ! भव्य निदर्शने' अशा माहितीचे पोस्टर हातात घेऊन सरकारविरोधात घोषणाबाजी केली. मागण्यांच्या पूर्ततेसाठी 1 ऑक्‍टोबरला पुणे जिल्हाधिकारी कचेरीसमोर सकाळी 11 वाजता निदर्शने करण्यात येणार आहेत. 

पुण्याच्या बातम्या वाचण्यासाठी येथे ► क्लिक करा

रिक्षाचालक म्हणताहेत... 

काशिनाथ शेलार व फजल शेख : राज्य सरकारने जिल्हानिहाय रिक्षा, टॅक्‍सी चालक कल्याणकारी मंडळ ताबडतोब स्थापन करावी. 

आत्माराम नाणेकर व नजीर सय्यद : शेतकरी कर्ज मुक्तीप्रमाणे रिक्षाचालकांचे कर्जाचे हप्ते सरकारने भरावे. 

शैलेंद्र गाडे व संजय मस्के : चार महिने रिक्षा बंद असल्याचे प्रमाणपत्र पुणे प्रादेशिक परिवहन विभागाने देऊन त्या महिन्यांचा विमा हप्त्याचा परतावा परत करावा. 

सुनील माने व पूनम पाखरे : नवीन रिक्षामुक्त परवाना बंद करावा. रिक्षा पंचायतीच्या ऍपबेस रिक्षासेवा प्रस्तावाला त्वरित परवानगी द्यावी. 

गौतम गाडे : रिक्षाचे उत्पन्न घटल्याने लहान वस्तूंच्या (पार्सल) वाहतुकीस परवानगी द्यावी. 

संजय जाधव व दत्ता मस्के : रिक्षा फिटनेस प्रमाणपत्रासाठी 35 किलोमीटर लांब दिवे घाट येथे जावे लागते. रिक्षा पंचायतीच्या प्रयत्नाने "रोलर ब्रेक टेस्टर'साठी खासदार निधीतून 50 लाख मिळवून दिले. त्याचे काम लवकर पूर्ण करावे. 

पप्पू जाधव व बबलू गायकवाड : तीन प्रवाशांच्या वाहतुकीस परवानगी द्या. 

रमेश राऊत व स्वप्नील ठोसर : रिक्षाचे कर्ज राष्ट्रीयीकृत बॅंकांमध्ये वर्ग करावे. आळंदी रस्त्यावर मंजूर ट्रॅक्‍टरचे काम त्वरित पूर्ण करावे. 

अमोल कदम : पीएमपी कर्मचाऱ्यांच्या किमान वेतन इतके दरमहा चौदा हजार रुपये द्यावेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com