- बेलाजी पात्रे
वाकड - परिवहन खात्याच्या जिवावर वाहनांची चाके रस्त्यावर धावतात. पण, शासनाच्या निष्काळजीपणामुळे परिवहन कार्यालयाच्या सुरक्षेची जबाबदारी असनाऱ्यांचे संसार मात्र, रस्त्यावर येण्याची वेळ आली आहे. त्याचे झाले ते असे, पिंपरी-चिंचवड परिवहन कार्यालयाच्या सुरक्षेची मदार खांद्यावर पेलणाऱ्या सुरक्षा रक्षकांचे वेतन तब्बल तीन वर्षांपासून रखडले आहे. त्यामुळे मोठ्या आर्थिक विवंचनेतील त्या रक्षकांवर उपासमारीची वेळ आली आहे. संसाराचा गाढा हाकण्यासाठी पगार द्या हो अशी आर्त हाक ते देत आहेत.