पिंपरी : लॉकडाउनमुळे अनेकांच्या हातचे जॉब गेले. हातच काम गेल्यानं परप्रांतीय कामगारांनी आपलं घर गाठलं. शहरात आता लॉकडाउन शिथिल करण्यात आलाय. अनेक उद्योग-व्यवसाय सुरू झालेत. त्यामुळे अनेक जण आता नोकरीच्या शोधात आहेत. अशात एक गँग सक्रिय झालीय, ती म्हणजे 'एसएमएस गॅंग'.
एसएमएस गॅंग नेमकं काय करते, हे आम्ही आज तुम्हाला सांगणार आहोत. "दहावी-बारावी उत्तीर्णांसाठी सुवर्णसंधी! आठ तास काम, वीस हजार पगार, प्रॉव्हिडंट फंड, निवास-भोजनाची मोफत व्यवस्था, कामावर जाण्या-येण्यासाठी कंपनीची बस सुविधा, दररोज तीनशे रुपये लॉकडाउन अलाऊन्स, ओव्हरटाईमचे वेगळे पैसे, पाच दिवसांचा आठवडा..." असे शेकडो मेसेज मोबाईलवर पाठवण्याचं काम ते करतात. मात्र, यापासून सावधान व्हा. कारण बेरोजगार तरुण-तरुणींसाठी 'एसएमएस गॅंग'ने फेकलेले हे जाळे आहे. यात अडकला तर आर्थिक, मानसिक व शारिरिक शोषण होण्याची दाट शक्‍यता आहे. परप्रांतीय श्रमिक गावी गेल्यामुळे नोकरीचे आमिष दाखवले जात आहे.
पिंपरी चिंचवडच्या बातम्या वाचण्यासाठी येथे ► क्लिक करा
कोरोनाच्या धास्तीनं आणि उद्योगधंदे बंद पडल्यानं परप्रांतीय श्रमिकांनी आपापल्या राज्याचा मार्ग धरलाय. आता सरकारच्या सुचनांनुसार कंपन्या सुरू झाल्यात. परंतु, अकुशल व अर्धकुशल कामगारांची कमतरता भासू लागलीय. याच संधीचा फायदा घेऊन 'एसएमएस गॅंग' उगवल्या आहेत. या टोळीच्या विनाभांडवली धंद्यात पाच-सहा ओळींचा एक आकर्षक मेसेज एवढीच गुंतवणूक असते.
पुण्याच्या बातम्या वाचण्यासाठी येथे ► क्लिक करा
किमान दहावीपासून इंजिनिअरपर्यंतच्या नोकऱ्या आमच्याकडे उपलब्ध, असे यात सांगितलं जातं. तसेच शिक्षणाच्या पात्रतेपासून पगाराचे किती पॅकेज व कोणकोणत्या सुविधा दिल्या जातील, अशी भुलविणारी माहिती घातली जाते. यातून शहराचं आकर्षण आणि रोजगाराची आशा यामुळे बेरोजगारांची यात फसगत होते. गेल्या दोन वर्षांत केवळ पिंपरी-चिंचवड, चाकण, रांजणगाव, तळेगाव अशा औद्योगिक परिसरातील 22 टोळ्यांवर पोलिसांनी कारवाई केली होती. त्यामुळे हा प्रकार पूर्ण थांबला होता. मात्र, पुन्हा असे मेसेज व्हॉट्स‌ऍपवर फिरू लागले आहेत.
अशी केली जाते फसगत
नोकरी आणि प्रत्यक्षातील नोकरी यात प्रचंड तफावत असते. मध्यम किंवा लघु कंपन्यांना साहित्य पुरविणारा हा छोटा उद्योग असतो. पोस्ट मॅनेजरची; मात्र हमालीची कामे लावली जातात. कोणताही करार केला जात नाही. दहा ते बारा तास काम करावं लागतं. जेवण व निवास व्यवस्था म्हणजे निकृष्ट जेवण आणि एक साधी खोली असते. त्यामुळे एका महिन्यात हा जॉब सोडला जातो. आपण फसलो आहोत, या भावनेमुळे कोणी पोलिसात तक्रारही करत नाही.
ही घ्या काळजी
अधिकृत नोकरी अशी मिळते
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.