भोसरीतील विद्यार्थिनीच्या पत्राची राज्य सरकारला घ्यावी लागली दखल 

पिंपरी : शाळा सुरू करण्याच्या पार्श्‍वभूमीवर प्रशासनाबरोबरच शाळा व्यवस्थापनही भांबावलेले आहे. अशातच शाळांना सॅनिटायझरचा खर्च कोण देणार आणि त्याविषयीच्या निधीची माहिती भोसरीतील दहावीच्या वर्गात शिकणाऱ्या विद्यार्थिनीने थेट राज्य सरकारला मेलद्वारे पत्र पाठवले आहे. त्याची दखल देत शालेय शिक्षण व क्रीडा विभागाने स्थानिक प्रशासनाला माहिती उपलब्ध करून देण्याचे आदेश दिले आहेत. मात्र, अद्याप तिला माहिती उपलब्ध झाली नसल्याचे माहिती समोर आली आहे. 

ताज्या बातम्यांसाठी डाऊनलोड करा ई-सकाळचे ऍप 

नचिकेता नीलेश गायकवाड असे विद्यार्थिनीचे नाव असून, ती चिंचवड-मोरवाडीतील श्री शिवछत्रपती शिवाजीराजे विद्यालयात शिकते. 23 नोव्हेंबरला शाळा सुरू होणार होत्या. या पार्श्‍वभूमीवर महापालिका शाळा वगळता खासगी शाळांना कुठल्याही प्रकारचे सॅनिटायझर, ऑक्‍सीमीटर आणि थर्मल गन देण्यात येणार नव्हते. त्याबाबत तिने राज्य सरकारने पिंपरी चिंचवड महापालिका क्षेत्रातील शाळांना वितरित करण्याच्या साहित्याबाबत उपलब्ध करून दिलेल्या निधीच्या तपशिलाबाबतची मेलद्वारे पत्र लिहून माहिती मागविली होती. याची दखल घेत शालेय शिक्षण व क्रीडा विभागाचे अवर सचिव संतोष गायकवाड यांनी तिला उत्तर पाठविले. त्यात म्हटले आहे की, " ही माहिती पिंपरी महापालिका शिक्षण विभागाची संबंधित असल्यामुळे कलम 6 (3) अन्वये आपल्या अर्जाची मूळ प्रत या कार्यालयाकडे हस्तांतरित करण्यात येत आहे. त्यामुळे या कार्यालयाकडे संपर्क साधण्याचे कळविले आहे. या अर्जावर कार्यवाही करण्याचे आदेश शिक्षण विभागाला दिले आहेत. परंतु अद्याप महापालिकेने नचिकेताला माहिती दिली नसल्याचे समजते. 

पिंपरी-चिंचवडच्या बातम्या वाचण्यासाठी येथे ► क्लिक करा

पुण्याच्या बातम्या वाचण्यासाठी येथे ► क्लिक करा

"प्रत्येक विद्यार्थ्याला सुरक्षित शिक्षण घेण्याचा अधिकार आहे. परंतु महापालिकेकडून अद्याप माझ्या पत्राची दखल घेतली नाही. यावरून प्रशासन गंभीर नसल्याचे दिसून येत आहे. '' 
- नचिकेता गायकवाड, विद्यार्थिनी