पिंपरी : कोरोनाच्या पार्श्‍वभूमीवर लॉकडाउनमध्ये सर्व नागरिक घरात असताना अत्यावश्‍यक सेवा म्हणून स्वतःच्या जीवाची काळजी न करता स्वच्छता कर्मचारी घरोघर जाऊन केर-कचरा उचलत आहे. इलेक्ट्रिशियन, प्लम्बर, सुरक्षारक्षक अशा कोरोना योद्धांनी भूमिका बजावली आहे. या योद्धांवर त्यांच्या कुटुंबीयांची जबाबदारी असते. परंतु, तरीही तो जीवाची बाजी लावून आपली ड्युटी प्रामाणिकपणे बजावली. त्यांच्याप्रती आभार व्यक्त करण्यासाठी ताथवडे येथील अक्षर इलेमेंटा हाउसिंग सोसायटीधारकांनी टाळ्यांच्या गजरात त्यांचे स्वागत केले.
या सोसायटीत 950 सदनिका असून, एकूण साडेपाच हजार सदनिकाधारक आहेत. अध्यक्ष परीक्षित गोहिल आणि सचिव प्रवीण फराड यांच्या नेतृत्वात सोसायटी समितीच्या वतीने सर्व कार्यरत कर्मचार्‍यांचा यथोचित सत्कार करण्याचे ठरविले. सुमारे 80 कर्मचाऱ्यांनी सोसायटीच्या आवारात फेरी काढली. सर्व रहिवाशांनी त्यांच्या बाल्कनीमध्ये उभे राहून या योद्धा कर्मचार्‍यांसाठी टाळ्या वाजविल्या. प्रत्येकाच्या हातात 'धन्यवाद' असे फलक झळकत होते.
पिंपरी चिंचवडच्या बातम्या वाचण्यासाठी येथे ► क्लिक करा
पुण्याच्या बातम्या वाचण्यासाठी येथे ► क्लिक करा
कर्मचाऱ्यांचे डोळे पाणावले
ड्युटी बजावणाऱ्या येथील सर्वच कर्मचाऱ्याचे आगळेवेगळे स्वागत येथील नागरिकांनी केले. लोकांचे प्रेम पाहून त्या कर्मचाऱ्यांचे डोळे पाणावले. काहींना 'बेस्ट कर्मचारी' म्हणून 500 रुपये रोख रक्कम देऊन गौरविले. 'आतापर्यंत कायमच आमच्याकडे तुच्छतेने पाहिले गेले; पण अशा कार्यक्रमात मोठा सत्कार करून मान दिला, यावर विश्वासच बसत नाही,' अशा शब्दांत महिला कर्मचाऱ्यांनी भावना व्यक्त केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.