पुणे-लोणावळा लोकलच्या आणखी तीन फे-या पुर्नप्रस्थापित

तळेगाव स्टेशन - कोविडचा (Covid) प्रादुर्भाव हळूहळू कमी होत असताना वाढत्या प्रवाशांची (Passenger) लक्षात घेता मध्य रेल्वेकडून पुणे लोणावळा लोकलच्या (Pune Lonavala Local) तीन फे-या पुर्नप्रस्थापित करण्याचा निर्णय गुरुवारी (ता. १७) घेण्यात आला आहे. त्यानुसार पुणे रेल्वे स्थानकावरून सकाळी ५:४५, ९:५५ आणि सायंकाळी ५:१५ वाजताच्या लोकल पुन्हा सुरु होणार आहेत.

याच लोकल गाड्या लोणावळ्याहून अनुक्रमे सकाळी ७:०५, ११:१५ आणि रात्री ०६ :३८ ला पुण्याकडे प्रस्थान करतील. याअगोदर पुणे-लोणावळा लोकसेवेच्या आठ फे-या यापुर्वीच प्रवाशांच्या सेवेत आहेत. आता आणखी तीन फे-या चालू होत असल्यामुळे चाकरमानी लोकल प्रवाशांमधे समाधानाचे वातावरण आहे.