मोशी बोऱ्हाडेवाडीतील पदपथाची दुरवस्था | Sakal
sakal

बोलून बातमी शोधा

मोशी बोऱ्हाडेवाडीतील पदपथाची दुरवस्था
मोशी बोऱ्हाडेवाडीतील पदपथाची दुरवस्था

मोशी बोऱ्हाडेवाडीतील पदपथाची दुरवस्था

sakal_logo
By

मोशी, ता. १० : पुणे-नाशिक महामार्गावरील जुना जकात नाका ते बोऱ्हाडेवाडी रस्त्यावरील मोशी उपबाजाराकडे जाणाऱ्या रस्त्यावर काही ठिकाणच्या पदपथांची दुरवस्था झाली आहे. त्यामुळे येथील स्थानिक नागरिकांसह पादचाऱ्यांना वाहतुकीचा धोका पत्करून भरधाव रस्त्यावरून चालावे लागत असल्याचे नागरिकांनी कळवले आहे.
महापालिकेच्या वतीने सध्या शहरातील सर्वच रस्त्यांचे डांबरीकरण व त्यालगत सुंदर असे पेव्हिंग ब्लॉक बसवून पदपथ तयार करण्यात येत आहेत. मोशी, चिखली, चऱ्होली, जाधववाडी, बोऱ्हाडेवाडी आदी परिसरामध्ये काही ठिकाणी हे पेव्हिंग ब्लॉक बसवण्यात आलेले आहेत.
मात्र, पुणे-नाशिक महामार्गावरील जुना जकात नाका ते श्री नागेश्वर महाराज उपबाजार समिती या दरम्यानच्या रस्त्यावर असलेल्या पदपथांची अत्यंत मोठ्या प्रमाणावर दुरवस्था झालेली आहे. या पदपथांखाली जुन्या सांडपाणी वाहिन्या आहेत. या सांडपाण्याने वरील झाकण निघून गेल्यामुळे या ठिकाणी चार ते पाच फुटांचे खड्डे उघडे झाल्याचे दिसून येत आहे. पदांवरील पेव्हींग ब्लॉक ही निघून गेल्याने पादचाऱ्यांना नक्की चालायचे कुठून हा प्रश्न अनेक नागरिकांसह पादचाऱ्यांना उपस्थित केला आहे.

MOS22B01303, MOS22B01304, MOS22B01305

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top