जिल्हा बॅंक निवडणुकीसाठी 
मावळात ८६ टक्के मतदान

जिल्हा बॅंक निवडणुकीसाठी मावळात ८६ टक्के मतदान

वडगाव मावळ, ता. २ ः पुणे जिल्हा मध्यवर्ती सहकारी बँकेसाठी मावळ तालुक्यात १३३ पैकी ११५ (८६.४६ टक्के ) मतदारांनी मतदानाचा हक्क बजावला. मतदानाची प्रक्रिया शांततेत पार पडल्याची माहिती सहायक निबंधक विठ्ठल सूर्यवंशी यांनी दिली.
तालुक्यातील अ वर्ग मतदार संघातून ज्येष्ठ नेते माऊली दाभाडे यांची यापूर्वीच बिनविरोध निवड झाली आहे. महिला, पणन, पतसंस्था आदी पाच मतदार संघासाठी रविवारी मतदान झाले. येथील महिला सांस्कृतिक भवनात मतदानाची व्यवस्था करण्यात आली होती. महिला प्रतिनिधी मतदार संघासाठी ५५ पैकी ५०, ब वर्गासाठी एक पैकी एक, क वर्गासाठी २७ पैकी २७, ड वर्गासाठी ३७ पैकी ३७ मतदारांनी मतदानाचा हक्क बजावला. वैयक्तिक मतदार संघासाठी मात्र तेरापैकी एकाही मतदाराने मतदान केले नाही. मतदानाची प्रक्रिया शांततेत पार पडली. राष्ट्रवादी काँग्रेस व भाजपच्या पदाधिकाऱ्यांनी येथे भेट देऊन मतदान प्रक्रियेची माहिती घेतली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com