निगडे सोसायटीच्या अध्यक्षपदी दत्तात्रेय भांगरे बिनविरोध

वडगाव मावळ, ता. ६ : निगडे विविध कार्यकारी सेवा सहकारी संस्थेच्या अध्यक्षपदी काळभैरवनाथ, तासुबाई, श्रीराम शेतकरी विकास सहकार पॅनेलचे दत्तात्रेय ताया भांगरे यांची तर उपाध्यक्षपदी संजाबाई नंदा करवंदे यांची बिनविरोध निवड झाली.
संस्थेच्या संचालक मंडळाची पंचवार्षिक निवडणूक नुकतीच झाली होती. त्यात काळभैरवनाथ पॅनेलची एकहाती सत्ता आली होती. बुधवारी वडगाव येथील शिक्षक पतसंस्थेच्या कार्यालयात सोसायटीच्या अध्यक्ष व उपाध्यक्ष पदाची निवडणूक झाली. अध्यक्ष पदासाठी भांगरे व उपाध्यक्ष पदासाठी करवंदे यांचा एकमेव अर्ज आल्याने त्यांची बिनविरोध निवड झाल्याची घोषणा निवडणूक अधिकारी विनोद कोतकर यांनी केली. नथुभाऊ भागवत, रामचंद्र थरकुडे, शिवाजी करवंदे, संतोष करवंदे, मारुती शिवेकर, काळुराम पवार, बाबाजी साळवे, शंकर पवळे, सुनील शेलार आदी संचालक उपस्थित होते. सहाय्यक निबंधक विठ्ठल सूर्यवंशी, रोहिदास महाराज धनवे, सुनील भोंगाडे, भिकाजी भागवत, बबनराव ओव्हाळ, दिगंबर आगिवले, बबुशा भांगरे आदींच्या उपस्थितीत दोघांचा सत्कार करण्यात आला. सचिव तुषार गाडे यांनी प्रस्ताविक केले. भिकाजी भागवत यांनी आभार मानले.