पीएमपीएमएल कर्मचारी सातव्या वेतन आयोगाच्या प्रतिक्षेत | Sakal
sakal

बोलून बातमी शोधा

पीएमपीएमएल कर्मचारी सातव्या वेतन आयोगाच्या प्रतिक्षेत
पीएमपीएमएल कर्मचारी सातव्या वेतन आयोगाच्या प्रतिक्षेत

पीएमपीएमएल कर्मचारी सातव्या वेतन आयोगाच्या प्रतिक्षेत

sakal_logo
By

पिंपरी, ता. ३१ : सर्व शासकीय कर्मचाऱ्यांना सातवा वेतन आयोग लागू करण्यात आलेला आहे. त्या अनुषंगाने पुणे महापालिका व पिंपरी-चिंचवड महापालिका कर्मचाऱ्यांना, सातवा वेतन आयोग लागू करण्यात आलेला आहे. पीएमपीएमएल हे दोन्ही महापालिकांचा भाग असल्याने, महामंडळा कडील सेवकांना देखील महापालिकेप्रमाणे, सातवा वेतन आयोगाच्या धर्तीवर सुधारित वेतनश्रेणी लागू करण्याची मागणी, पीएमपी कामगार संघटनांनी केली आहे.
संचालक मंडळाने २५ फेब्रुवारी २०२१ च्या मान्य ठरावानुसार मंजुरी देखील दिलेली आहे. पीएमपीएलकडील सेवकांना डिसेंबर पेड ईन जानेवारीपासून आयोगाच्या धर्तीवर सुधारित वेतनश्रेणी लागू करण्याची व नियमित संचलन तुटी व्यतिरिक्त अधिकचा निधी मिळण्याबाबतचा, प्रस्ताव दोन्ही महापालिकेकडे सादर केला आहे. परंतु, अद्यापपर्यंत महामंडळाकडील सेवकांना सातवा वेतन आयोग लागू झाला नाही. सद्यःस्थितीत वाढती महागाई, तुटपुंजा पगारामुळे कर्मचारी आर्थिक विवंचनेत असल्याने कामगारांमध्ये नाराजी दिसून येत आहे. सातवा वेतन आयोग लवकरात लवकर लागू करावा, अशी मागणी कामगार संघटनांकडून सातत्याने होत आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top