भक्ती शक्ती परिसरातील पत्राशेडवरील अतिक्रमणविरोधी कारवाई | Sakal
sakal

बोलून बातमी शोधा

भक्ती शक्ती परिसरातील पत्राशेडवरील अतिक्रमणविरोधी कारवाई
भक्ती शक्ती परिसरातील पत्राशेडवरील अतिक्रमणविरोधी कारवाई

भक्ती शक्ती परिसरातील पत्राशेडवरील अतिक्रमणविरोधी कारवाई

sakal_logo
By

पिंपरी, ता. १ ः महापालिकेच्या बांधकाम परवानगी व अनधिकृत बांधकाम नियंत्रण विभागाने भक्ती-शक्ती चौक ते रावेतकडे जाणाऱ्या रस्त्यावरील मोकळ्या भूखंडावरील बेकायदेशीर टपऱ्या व झोपड्यांवर सोमवारी निष्कासनाची मोठी कारवाई केली. या कारवाईत सुमारे १५ हजार ३०० चौरस फुटाचे २५ अनधिकृत पत्राशेड पाडण्यात आले. ज्यात टप-या, झोपड्या, हातगाड्यांचा समावेश आहे. या कारवाईचे नगरसेविका शैलजा मोरे आणि प्रभागातील नागरिकांनी स्वागत केले आहे.

अ क्षेत्रीय कार्यालयांतर्गत निगडीतील भक्ती-शक्ती चौक ते रावेत नविन पुलाकडे जाणाऱ्या बीआरटी रस्त्यालगतच्या मोकळ्या भूखंडावर काही दिवसांपासून अतिक्रमण वाढले होते. येथे पत्राशेड, टपऱ्या हातगाड्यांचा सुळसुळाट झाला होता. त्यामुळे परिसरात गुन्हेगारी वाढली होती. वर्दळीचा रस्ता असल्यामुळे नागरिकांना विशेषतः महिलांना येथून ये-जा करताना जीव मुठीत घेऊन जावे लागत असे. याबाबत प्रभागातील ज्येष्ठ नागरिक व महिलांच्या बऱ्याच तक्रारी होत्‍या.

अतिक्रमण हटविण्यासाठी नगरसेविका मोरे यांनी आयुक्त राजेश पाटील यांना निवेदन दिले. मोकळ्या भूखंडावरील बेकायदेशीर टपऱ्या व झोपड्यांवर निष्कासनाची कारवाई केली. या जागेवर पुन्हा अतिक्रमण होऊ नये यासाठी तारेचे कुंपण करण्यात यावे अशीही मागणी केली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top