पिंपरीतील शिबिरात ७१ जणांचे रक्तदान | Sakal
sakal

बोलून बातमी शोधा

पिंपरीतील शिबिरात ७१ जणांचे रक्तदान
पिंपरीतील शिबिरात ७१ जणांचे रक्तदान

पिंपरीतील शिबिरात ७१ जणांचे रक्तदान

sakal_logo
By

पिंपरी, ता. ६ : पिंपरीतील डॉ. डी. वाय. पाटील कला, वाणिज्य आणि विज्ञान महाविद्यालयात राष्ट्रीय सेवा योजना आणि डॉ. डी. वाय. पाटील रक्तपेढी यांच्या संयुक्त विद्यमानाने रक्तदान शिबिराचे आयोजन करण्यात आले होते. २२ डिसेंबरला शिबिराचे उद्घाटन प्राचार्य डॉ. रणजित पाटील यांच्या हस्ते करण्यात आले.
उदघाटन प्रसंगी डॉ. डी. वाय. पाटील रक्तपेढीच्या समन्वयक डॉ. निलीमा मोरे, शुभम शिंदे व टीममधील सर्व कर्मचाऱ्यांचा सत्कार करण्यात आला. प्राचार्य डॉ. रणजित पाटील यांनी रक्तदान शिबिराचे महत्त्व या विषयावर मार्गदर्शन केले. रक्तपेढीच्या समन्वयक डॉ. निलीमा यांनी रक्तपेढीच्या कार्यपद्धतीची ओळख करून देऊन सर्व राष्ट्रीय सेवा योजना स्वयंसेवकांना रक्तदानासाठी प्रोत्साहित केले. राष्ट्रीय सेवा योजनेचे कार्यक्रम अधिकारी प्रा. गोकूळ जाधव यांनी पाहुण्यांचा परिचय करून दिला.
अध्यक्ष डॉ. पी. डी. पाटील व सचिव सोमनाथ पाटील, विश्वस्त स्मिता जाधव यांच्या मार्गदर्शनाखाली महाविद्यालयाचे प्राचार्य आणि राष्ट्रीय सेवा योजना अधिकारी यांनी संयोजन केले. शिबिरामध्ये ६१ विद्यार्थी आणि १० कर्मचारी असे ७१ रक्तदात्यांनी रक्तदान केले. यामध्ये ५६ पुरुष आणि १५ महिला सहभागी झाल्या. राष्ट्रीय सेवा योजनेत १५० स्वयंसेवक, प्राध्यापक व प्रशासकीय कर्मचारी सहभागी झाले होते. गोकूळ जाधव यांनी सर्व सहभागी मान्यवरांचे आभार मानून कार्यक्रमाची सांगता केली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top