जिल्हा रुग्णालय परिसरातील उद्यानाची दुरवस्था सुविधा पुरवण्याची नागरिकांची मागणी, बाके बसवण्याची अपेक्षा | Sakal
sakal

बोलून बातमी शोधा

जिल्हा रुग्णालय परिसरातील उद्यानाची दुरवस्था 
सुविधा पुरवण्याची नागरिकांची मागणी, बाके बसवण्याची अपेक्षा
जिल्हा रुग्णालय परिसरातील उद्यानाची दुरवस्था सुविधा पुरवण्याची नागरिकांची मागणी, बाके बसवण्याची अपेक्षा

जिल्हा रुग्णालय परिसरातील उद्यानाची दुरवस्था सुविधा पुरवण्याची नागरिकांची मागणी, बाके बसवण्याची अपेक्षा

sakal_logo
By

जुनी सांगवी, ता. ८ ः सांगवी फाटा येथील जिल्हा रुग्णालय परिसरातील उद्यानाची दुरवस्था झाली आहे. येथे सुविधा पुरविण्याबाबत नागरिकांमधून मागणी होत आहे. जिल्हा रुग्णालयात पुणे जिल्ह्यातील ग्रामीण भागासह महाराष्ट्रातील विविध भागांमधून रूग्ण उपचारासाठी येतात. त्याचबरोबर रुग्णांची देखभाल करण्यासाठी नातेवाईक सोबत असतात. रुग्णांचे नातेवाईक, रूग्णालय प्रवेशद्वारासमोरील कठड्यांचा बसण्यासाठी उपयोग करतात. यामुळे होणाऱ्या गर्दीमुळे अत्यावश्यक सेवेला अनेकदा अडचणी निर्माण होतात. थेट प्रवेशद्वारावर येणाऱ्या रुग्णवाहिका यांना रस्ता मोकळा करण्यासाठी संबंधित सुरक्षा यंत्रणा व प्रशासनातील कर्मचारी यांच्यावरही ताण येतो.
लहान मुले रुग्णालयाबाहेरील उद्यानवजा परिसरातील झाडांचा आश्रय घेऊन जेवण, विश्रांती व प्रतिक्षेसाठी आधार घेतात. मात्र, या परिसरात लहानग्यांना खेळण्या बागडण्यासाठी उद्यानात असलेली व्यवस्था अपुरी पडत आहे. लहान मुलांचे झोके, फायबर घसरगुंडी आदी साहित्य बसविण्यात आले आहे. मात्र, ओबड धोबड जमीन असल्याने येथे लहानग्यांना इजा होण्याची शक्यता आहे. याचबरोबर खुरटे गवत वाढलेले आहे. ज्येष्ठ नागरिक यांना बसायला बाके नाहीत. यामुळे झाडांचा आश्रय घेत रुग्ण व नातेवाइकांना असुविधांचा सामना करावा लागत आहे. येथील उद्यानात इतर उद्यानासारखेच समुद्री वाळू, बाकांची व्यवस्था, फायबर खेळणी आदी सुविधा उपलब्ध करण्यात याव्यात अशी रुग्ण, नातेवाईक व नागरिकांमधून मागणी होत आहे.


जिल्हा रुग्णालयात पुणे जिल्ह्यासह महाराष्ट्राच्या विविध भागातून नागरिक उपचारासाठी येतात. गर्दी टाळण्यासाठी बाहेर थांबणाऱ्या नातेवाईक व रुग्णांसाठी बसायला बाकांची व्यवस्था गरजेची आहे.
- कृष्णा भंडलकर, नागरिक

महापालिकेच्यावतीने येथील नागरिकांची गरज पाहता बाकांची व्यवस्था करण्यात येईल.
- अंबरनाथ कांबळे, ह प्रभाग अध्यक्ष.

स्थानिक आमदार लक्ष्मण जगताप यांच्या आमदार निधीतून येथील उद्यानात बालकांसाठी झोके व तर सुविधा उपलब्ध करण्यात आलेल्या आहेत. नागरिकांची वाढती गरज लक्षात घेऊन आमदारनिधी किंवा पीडब्ल्यूडी विभागाकडे पाठपुरावा करून येथे सुविधा पुरविण्यात येतील.
- डॉ. अशोक नांदापूरकर, मुख्य वैद्यकीय अधिकारी जिल्हा रुग्णालय.

कोट-
महापालिकेच्या माध्यमातून येथे बाके बसविण्यासाठी पाठपुरावा करून लवकरच येथील उद्यानात बाके बसवून व्यवस्था करण्यात येईल.
- माजी नगरसेवक शंकर जगताप.

फोटो ः 12793, 12794

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top