उबदार कपडे घेण्यासाठी नागरिकांची गर्दी

सोमाटणे, ता. १० ः मावळात थंडी वाढल्याने नागरिकांची उबदार कपड्यांची मागणी वाढली आहे. शनिवारी मध्यरात्री सुरू झालेला रिमझीम पाऊस रविवारी पहाटेपर्यंत सुरुच होता. या पावसामुळे वातावरणात चांगलाच गारवा वाढला आहे. या थंडीपासून बचाव करण्यासाठी रस्त्याने जाणाऱ्या दुचाकीस्वारांनी मिळेल तेथे उबदार कपडे घेण्याकडे धाव घेतली. यामुळे गेल्या दोन महिन्यापासून ग्राहकांची वाट पाहणारे रस्त्यावरील स्वेटर, जर्किंग विक्रेत्यांच्या कपड्यांना आज चांगली मागणी वाढली. याचा फायदा घेत विक्रेत्यांनीही आज नेहमीपेक्षा बाजारभाव वाढवले होते. खिशाला परवडेल अशा १५० ते ५५० रुपयापर्यंत असलेले, स्वेटर व जर्किंग घेण्याकडे नागरिकांचा कल अधिक होता. थंडीमुळे अचानक ग्राहक वाढल्याने सोमाटणे परिसरातील विक्रेत्यांची चांदी झाली.
Media Id: PNE22S34500