घरफोडीत दोन लाखांचा ऐवज लंपास

पिंपरी, ता. १० : दरवाजाचा कडी कोयंडा व कुलूप तोडून घरात शिरलेल्या चोरट्याने, दोन लाखांचा ऐवज लंपास केला. हा प्रकार बावधन येथे घडला.
याप्रकरणी प्रियदर्शनी आनंदराव वाडकर (रा. रामानंद क्लासिक बी बिल्डिंग, बावधन) यांनी फिर्याद दिली आहे. फिर्यादी यांचे घर बंद असताना चोरटा दरवाजाचा कडी कोयंडा व कुलूप तोडून घरात शिरला. घरातील ४८ हजाराच्या सोन्याच्या अंगठ्या व कानातील टॉप्स, ९२ हजारांचे तीन मंगळसूत्र, ४२ हजारांच्या दोन सोनसाखळी व आठ हजारांची रोकड असा एकूण एक लाख ९० हजार रुपये किमतीचा ऐवज चोरट्याने लंपास केला. याप्रकरणी हिंजवडी पोलिस ठाण्यात गुन्हा दाखल असून, पोलिस अधिक तपास करीत आहेत.