देहूत रंगणार आता तिरंगी लढत

देहू, ता. १० ः देहू नगर पंचायतीची उर्वरित चार प्रभागांतील चार जागांसाठी १८ जानेवारी रोजी निवडणूक होणार आहे. सोमवारी (ता. १०) उमेदवारी अर्ज मागे घेण्याच्या शेवटच्या दिवशी सहापैकी चार अपक्षांनी अर्ज मागे घेतला. त्यामुळे राष्ट्रवादी कॉंग्रेस, भारतीय जनता पक्ष, शिवसेना यांच्यात तिरंगी लढत होणार आहे.
देहूत सतरा जागांपैकी तेरा जागांसाठी गेल्या महिन्यात २१ डिसेंबर रोजी निवडणूक झाली. चार प्रभागांतील ओबीसी आरक्षण रद्द झाल्यामुळे चार जागांची निवडणूक १८ जानेवारी होत आहे. त्यानुसार चार प्रभागांतून एकूण १८ उमेदवारांनी उमेदवारी अर्ज दाखल केले होते.
प्रभाग निहाय उमेदवार नावे आणि पक्ष ः प्रभाग क्रमांक ११ः पौर्णिमा परदेशी (राष्ट्रवादी), अनिता मोरे(भाजप). प्रभाग क्रमांक १२ः सपना मोरे (राष्ट्रवादी), सिंधू मोरे(भाजप), रेश्मा मोरे (अपक्ष). प्रभाग क्रमांक १४ः प्रवीण काळोखे (राष्ट्रवादी), संजय जंबूकर(भाजप), सुनील हगवणे (शिवसेना), आनंदा काळोखे(अपक्ष), नीता चव्हाण (अपक्ष). प्रभाग क्रमांक १५ः आदित्य टिळेकर(राष्ट्रवादी), प्रफुल्ल टिळेकर (भाजप).