६२ कॅटोन्मेंट बोर्डाच्या हद्दीतील वाहन प्रवेशकर रद्द | Sakal
sakal

बोलून बातमी शोधा

६२ कॅटोन्मेंट बोर्डाच्या हद्दीतील वाहन प्रवेशकर रद्द
६२ कॅटोन्मेंट बोर्डाच्या हद्दीतील वाहन प्रवेशकर रद्द

६२ कॅटोन्मेंट बोर्डाच्या हद्दीतील वाहन प्रवेशकर रद्द

sakal_logo
By

देहूरोड, ता. १० ः संरक्षण विभागाने देशातील ६२ कँटोन्मेंट बोर्डाच्या हद्दीतील वाहन प्रवेशकर रद्द करण्याचे आदेश दिलेले आहेत. त्यानुसार देहूरोड कँटोन्मेंट बोर्डाने पुणे-मुंबई महामार्ग आणि देहूरोड-कात्रज बाह्यवळण महामार्गावरील वाहन प्रवेश कर स्वीकारणारे नाके बंद केले आहे. जकात विभागानंतर वाहन प्रवेश कर बंद झाल्याने, देहूरोड कँटोन्मेंट बोर्ड प्रशासनापुढे मोठे आर्थिक संकट उभे राहणार आहे.
संरक्षण विभागाने काढलेल्या परिपत्रकामध्ये वाहन प्रवेशकर तत्काळ बंद करण्यास सांगितले आहे. कँटोन्मेंट बोर्डाच्या वतीने महामार्गावर नाके लावून वाहन चालकांकडून प्रवेश शुल्क वसूल करणे, हे सरकारच्या वस्तू आणि वाहतुकीच्या उपक्रमाला अनुसरून नाही. तसेच राहणीमान आणि व्यवसाय सुलभ करण्याच्या प्रयत्नांना अडथळा निर्माण करत असल्याचे दिसून आले आहे. त्यामुळे हा निर्णय घेण्यात आल्याचे म्हटले आहे.
याबाबत देहूरोड कँटोन्मेंट बोर्डाचे कार्यालयीन अधिक्षक राजन सावंत यांनी सांगितले,‘‘संरक्षण विभागाने दिलेल्या आदेशाचे पालन रविवार(ता.९)पासून करण्यात आले आहे. बोर्डाने वाहन प्रवेश कर घेणे बंद केले आहे.’’

‘‘या अगोदर जीएसटीमुळे जकात बंद झाली. तसेच वाहन प्रवेशकर वसुली बंद झाल्याने बोर्डावर आर्थिक संकट आले आहे. त्यामुळे कर्मचाऱ्यांचे पगार होवू शकणार नाहीत. तसेच निधी नसल्याने विकास कामे बंद पडणार आहे. त्यामुळे नागरिकरण झालेल्या विभागाचे जवळील महापालिकेत समावेश करावा, अथवा स्वतंत्र नगरपंचायत होण्यास परवानगी द्यावी.’’
- रघुवीर शेलार, बोर्डाचे माजी उपाध्यक्ष

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top