प्रभात रस्ता परिसरातील नागरिक-पोलिसांची बैठक | Sakal
sakal

बोलून बातमी शोधा

प्रभात रस्ता परिसरातील
नागरिक-पोलिसांची बैठक
सासरच्या छळाला कंटाळून विवाहितेची आत्महत्या

प्रभात रस्ता परिसरातील नागरिक-पोलिसांची बैठक

sakal_logo
By

पुणे, ता. ११ : प्रभात रस्ता परिसरात सातत्याने होणाऱ्या घरफोड्यांच्या घटनांमुळे नागरिकांमध्ये भितीचे वातावरण आहे. अशा घटना रोखण्यासाठी व नागरिकांमध्ये सुरक्षितता निर्माण व्हावी, यासाठी आता पोलिसांना नागरिकांची खंबीर साथ मिळणार आहे. स्थानिक लोकप्रतिनिधी, नागरीकांनी डेक्कन पोलिसांशी चर्चा करून याबाबत आपली भूमिका स्पष्ट केली आहे.
प्रभात रस्ता परिसरात बंगले, मोठमोठ्या सोसायट्या आहेत. याच परिसरात मागील काही दिवसांपासून घरफोडीच्या घटना सातत्याने घडू लागल्या आहे. त्यामुळे नागरिकांच्या मनात भितीचे वातावरण निर्माण झाले आहे. याविषयी नागरीकांनी नगरसेविका ज्योत्स्ना एकबोटे यांच्याकडे आपली समस्या मांडली. त्यानंतर एकबोटे, प्रभात रस्ता परिसरात राहणारे ज्येष्ठ नागरिक, विविध गृहनिर्माण सोसायट्यांच्या प्रतिनिधींनी डेक्कन पोलिस ठाण्याचे वरिष्ठ पोलिस निरीक्षक मुरलीधर करपे यांची भेट घेतली. त्यावेळी या प्रश्‍नाबाबत करपे, एकबोटे व नागरिकांची बैठक झाली.
या बैठकीमध्ये घरफोड्यांच्या घटना करणाऱ्या गुन्हेगारांना तत्काळ पकडून त्यांच्यावर कडक कारवाई करावी, रात्रीच्यावेळी पोलिसांची गस्त वाढवावी, अशा रहिवाशांच्या मागण्या एकबोटे यांनी पोलिसांसमोर मांडल्या. या मागण्या तत्काळ मान्य करून करपे यांनी रात्र गस्त वाढविण्याबरोबरच नागरिकांच्या सुरक्षेसाठी पोलिसांची सुरक्षा अधिक मजबूत करू, असे आश्‍वासन दिले. तसेच ज्येष्ठ नागरिकांची नोंदणी करून त्यांनाही आवश्‍यक ती मदत वेळेत पोचवू असे सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top