शहरातील नागरिकांना शास्तीकर माफ करून दिलासा द्यावा | Sakal
sakal

बोलून बातमी शोधा

शहरातील नागरिकांना शास्तीकर माफ करून दिलासा द्यावा
शहरातील नागरिकांना शास्तीकर माफ करून दिलासा द्यावा

शहरातील नागरिकांना शास्तीकर माफ करून दिलासा द्यावा

sakal_logo
By

पिंपरी, ता. ११ ः कोरोनाच्या पार्श्वभूमीवर शहरातील नागरिकांना शास्तीकर माफ करून दिलासा द्यावा, अशी मागणी भाजप नगरसेवक संदीप वाघेरे यांनी केली आहे. याबाबत त्यांनी महापालिका आयुक्तांना निवेदन दिले आहे.

निवेदनात म्हटले आहे, अवैध बांधकाम करणाऱ्‍या घरगुती इमारतींना सध्या त्यांच्या क्षेत्रफळानुसार शास्तीकर आकारण्यात येतो. यामध्ये एक हजार चौरस फुटांपर्यंत शास्ती नाही, एक हजार ते दोन हजार चौरस फुटांपर्यंत ५० टक्के आणि दोन हजार चौरस फुटांपुढील मालमत्ता कराच्या दुप्पट दर आहे. मात्र, अवैध बांधकामांना माफ करावा. तसेच या मिळकतींची शास्ती सरसकट शासनाच्या मान्यतेने माफ करण्यात यावी, असा ठराव १० जानेवारी २०२० महापालिका सभेमध्ये मंजूर केला आहे. मात्र, त्याची अद्याप अंमलबजावणी झालेली नाही. तसेच बिगरनिवासी व्यावसायिक व औद्योगिक बांधकामधारकांचा कोणताही विचार केलेला नाही.

कोरोनामुळे नागरिकांची आर्थिक स्थिती हलाखीची झाली आहे. शहरामध्ये कामगारांची संख्या लक्षणीय असून शास्तीकर भरणेही जिकिरीचे झालेले आहे. त्यामुळे शास्तीकर सरसकट माफ करावा व प्रक्रियेस विलंब होणार असल्याने तत्पूर्वी दिलासा देण्यासाठी शास्तीकर निश्चित करावा. सर्व क्षेत्रफळाची निवासी अवैध घरांना शास्तीकर पूर्ण माफ, १ ते ५०० चौरस फूट बिगरनिवासी गाळ्यांना शास्तीकर २५ टक्के, ५०१ चौरस फुटापुढील बिगरनिवासी गाळ्यांना शास्तीकर ५० टक्के याप्रमाणे दर निश्चित करावे, असेही निवेदनात म्हटले आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top