खजुराहो लेणी म्हणजे केवळ कामशिल्पे नाहीत! | Sakal
sakal

बोलून बातमी शोधा

खजुराहो लेणी म्हणजे केवळ कामशिल्पे नाहीत!
द्रुतगती मार्गाने घेतला मोकळा श्वास

खजुराहो लेणी म्हणजे केवळ कामशिल्पे नाहीत!

sakal_logo
By

पुणे, ता. २८ ः खजुराहो लेण्या म्हणजे केवळ कामशिल्पे, अशी उभी केलेली प्रतिमा हे आपल्या देशाचे दुर्दैव आहे. ‘एकटीचा सफरनामा’ हे पुस्तक वाचून काही लोकांना जरी खजुराहो लेण्या पाहण्याची इच्छा झाली, तरी ते मी या पुस्तकाचे यश मानेल, असे मत प्रसिद्ध गायिका डॉ. राधा मंगेशकर यांनी शुक्रवारी व्यक्त केले.
डॉ. मंगेशकर लिखित आणि कॉन्टिनेंटल प्रकाशनातर्फे प्रकाशित ‘एकटीचा सफरनामा’ या पुस्तकाचे प्रकाशन अभिनेत्री डॉ. निशिगंधा वाड यांच्या हस्ते झाले. शिरीष रायरीकर यांनी त्यांच्याशी संवाद साधला. ‘खजुराहो लेण्यांमधील केवळ दहा टक्के शिल्पे कामशिल्पे असून उर्वरित सर्व शिल्पे विज्ञान आणि ज्ञानाने भरलेली आहेत, असे डॉ. मंगेशकर यांनी सांगितले.
यावेळी डॉ. वाड म्हणाल्या, ‘‘प्रवास तुम्हाला अंतर्मुख करत असतो आणि अध्यात्माचा अत्युच्च अनुभव देत असतो. माणसाने जास्त बोलण्यापेक्षा ऐकण्यावर आणि पाहण्यावर भर द्यावा. म्हणून परमेश्वराने आपल्याला दोन डोळे, दोन कान आणि एकच तोंड दिलेले आहे.’’
यावेळी कॉन्टिनेन्टल प्रकाशनाच्या संचालिका देवयानी कुलकर्णी-अभ्यंकर यांनीही मनोगत व्यक्त केले. कार्यक्रमाचे सूत्रसंचालन संजय पोमण यांनी केले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top