८१ हजार मुलांनी घेतले लशीचे डोस

पिंपरी, ता. २० ः शहरातील १५ ते १८ वयोगटातील मुलांना कोरोना प्रतिबंधक लशीचे ८१ हजार ७३६ डोस महापालिकेतर्फे देण्यात आले. त्यात रविवारी डोस घेतलेल्या मुलांची संख्या एक हजार ८५३ आहे. गेल्या महिन्यापासून मुलांचे लसीकरण सुरू आहे. त्यांना कोव्हॅक्सिन लस दिली जात आहे. पहिला डोसनंतर २८ दिवसांनी दुसरा डोस दिला जात आहे. त्यामुळे काही विद्यार्थ्यांचे दोन्ही डोस पूर्ण झाले आहेत. महापालिकेकडे कोव्हॅक्सिन लशीचे सहा हजार २०० डोस उपलब्ध झाले आहेत. ते देण्याची व्यवस्था ३१ केंद्रांवर केली आहे. प्रत्येक केंद्रावर दोनशे डोस उपलब्ध आहेत, असे महापालिकेच्या आरोग्य वैद्यकीय विभागाने कळविले आहे.
--