चिंचवडमध्ये एकाचा खून

चिंचवडमध्ये एकाचा खून

पिंपरी, ता. ६ : फोन करून बोलावून घेत एकाचा धारदार हत्याराने खून केल्याची घटना चिंचवड येथे घडली.
ज्ञानदेव श्रीरंग साठे (रा. चिंचवडेनगर, वाल्हेकरवाडी, चिंचवड) असे खून झालेल्या व्यक्तीचे नाव आहे. याप्रकरणी रोहिणी गोकूळ गायकवाड यांनी फिर्याद दिली आहे. शनिवारी (ता. ५) रात्री साडे दहाच्या सुमारास अज्ञात व्यक्तीने फिर्यादी यांचे मामा साठे यांना फोन करून त्यांना बोलावून घेतले. त्यानंतर धारदार हत्याराने गळ्यावर, छातीवर, पोटावर, पाठीवर व हातावर वार केले. यामध्ये गंभीर जखमी झाल्याने त्यांचा मृत्यू झाला. त्यांचा मृतदेह सोमवारी (ता. ६) सकाळी नऊच्या सुमारास चिंचवडमधील मोकळ्या जागेत सापडला. याप्रकरणी चिंचवड पोलिसांनी एकाला ताब्यात घेतले आहे. अधिक तपास सुरु आहे.