शहरात पावसामुळे वातावरणात गारवा | Sakal
sakal

बोलून बातमी शोधा

शहरात पावसामुळे वातावरणात गारवा
शहरात पावसामुळे वातावरणात गारवा

शहरात पावसामुळे वातावरणात गारवा

sakal_logo
By

पिंपरी, ता. ९ : शहरातून काही दिवसांपूर्वी गायब झालेल्या पावसाने थंडीत अचानक हजेरी लावली. आठ तारखेला शनिवारी रात्री अकरापासून सुरू झालेला पाऊस रविवारी सकाळी सातपर्यंत रिमझिम सुरू होता. त्यामुळे वातावरणात चांगलाच गारवा पसरला होता. शहरातील उपनगरांमध्ये कासारवाडी, सांगवी, पिंपळे गुरव, पिंपरी, चिंचवड परिसरामध्ये पावसाने हजेरी लावली. शनिवारी रात्री सायंकाळपासूनच वातावरण ढगाळ झाले होते. रविवारी, दिवसभर वातावरण ढगाळ होते. दुपारी एकनंतर ऊन पडले. तरीही वातावरणात गारवा जाणवत होता. शनिवारी व रविवारी दिवसभर पावसाने हजेरी लावली नाही. शनिवारी रात्री पाऊस पडल्याने अनेकांची धांदल उडाली नाही. परंतु, शनिवारी सायंकाळी सातपासून पावसाचा अंदाज घेत किरकोळ व्यावसायिकांनी घराकडे पळ काढला. त्याचा व्यवसायावर परिणाम झाला. बाजारपेठ मंदावली होती. तसेच, या आठवड्यात पाऊस पडण्याचा अंदाज हवामान खात्याने वर्तवला होता. परंतु, वातावरणातील बदलाचा नागरिकांच्या आरोग्यावर परिणाम होत असल्याचे दिसून आले आहे. अनेक जण सर्दी, खोकल्याने त्रस्त आहेत. कोरोना रुग्णांची संख्या वाढल्याने अनेकांनी धास्ती वाढली आहे. परंतु, त्यातही वातावरण बदल लहान-मुलांसह ज्येष्ठांसाठी हानिकारक ठरत आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top