'पार्वती डेंटल केअर' रुग्णालयावर दंडात्मक कारवाई | Sakal
sakal

बोलून बातमी शोधा

dental care
'पार्वती डेंटल केअर' रुग्णालयावर दंडात्मक कारवाई

'पार्वती डेंटल केअर' रुग्णालयावर दंडात्मक कारवाई

पिंपरी : महापालिकेच्या ‘फ’ क्षेत्रीय आरोग्य विभागाने, यमुनानगर रस्त्यावर वैद्यकीय कचरा टाकल्याबद्दल, पार्वती डेंटल केअर रुग्णालयावर दंडात्मक कारवाई करण्यात आली आहे. त्यांना २५ हजार रुपये दंड ठोठावला आहे. शहरात रुग्णालये, नर्सिंग होम, पॅथॉलॉजी, पशुवैद्यकीय रुग्णालये, डेंटल क्लिनिक अशा विविध ठिकाणाहून मोठ्या प्रमाणात वैद्यकीय कचरा निर्माण होतो. त्या रुग्णालयाकडून मेडिकल बायोवेस्ट (वैद्यकीय कचरा) रस्त्यावर, कचराकुंडीत टाकल्यास संबंधितांकडून दंडात्मक कारवाई करण्याचा इशारा महापालिकेच्या आरोग्य विभागाकडून देण्यात आला आहे.(Punitive action against Parvati Dental Care Hospital)

हेही वाचा: पिंपरी : खरेदीसाठी ४ हजार लोकांना थेट खात्यावर देणार अनुदान

तरीही काही खासगी रूग्णालयांकडून वैद्यकीय कचरा रस्त्यावर, कचराकुंडीमध्ये टाकण्यात येत आहे. महापालिकेने शहरातील रुग्णालयांना वैद्यकीय कचरा घंटागाडी, रस्त्यावर टाकू नये, असे बजावले आहे. या आदेशाचे उल्लंघन झाल्यास त्या रूग्णालयाविरोधात दंडात्मक कारवाई करण्यात येत आहे.नियमानुसार वैद्यकीय कचऱ्याची विल्हेवाट शास्त्रोक्त पद्धतीने लावणे बंधनकारक आहे. कोणी रस्त्यावर, कचराकुंडीमध्ये किंवा महापालिकेच्या रिक्षा, घंटागाडीमध्ये वैद्यकीय कचरा टाकल्यास दंडात्मक कारवाई करण्यात येते. या कचऱ्याची विल्हेवाट लावण्यासाठी महापालिकेने खासगी एजन्सीला नियुक्त केले आहे.(Pimpri Chinchwad news)

हेही वाचा: कोरोना निर्बंधाबाबतचा निर्णय मुख्यमंत्र्यांशी चर्चेनंतरच ;अजित पवार

ह्या संस्था शहरातील विविध रुग्णालये, वैद्यकीय व्यवसायिकांकडून वैद्यकीय कचरा संकलित करते. त्यासाठी त्यांच्याकडून सेवा शुल्क वसूल केले जाते. परंतु, शहरातील कचऱ्यातच हा कचरा मिसळलेला दिसतो.दरम्यान, आरोग्य वैद्यकीय अधिकारी डॅा. के. अनिल रॅाय यांच्या मार्गदर्शनाखाली क्षेत्रीय अधिकारी सीताराम भहुरे, सहाय्यक आरोग्य अधिकारी सुधीर वाघमारे, मुख्य आरोग्य निरीक्षक वाखाडे, आरोग्य सहाय्यक राजू चटोले, आरोग्य निरीक्षक अमोल गोरखे, आरोग्य सहाय्यक राजू चटोले, सुपरवायझर आबु जाधव, कैलास मांढरे, मुकादम दीपक वारे यांच्या पथकाने सकाळी साडेआठ वाजता ही कारवाई केली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top