Mega Recruitment : पिंपरी महापालिकेत होणार ४२९२ पदांची मेगा भरती | Sakal
sakal

बोलून बातमी शोधा

PCMC
Mega Recruitment : पिंपरी महापालिकेत होणार ४२९२ पदांची मेगा भरती

Mega Recruitment : पिंपरी महापालिकेत होणार ४२९२ पदांची मेगा भरती

पिंपरी - महापालिकेचा ‘ब’ वर्गात समावेश झाला आहे. महापालिकेचा (Municipal) नव्याने आकृतिबंध तयार करण्यात आला आहे. राज्य शासनाने (State Government) महापालिका आस्थापनेवरील सरळसेवेने विविध पदे भरण्यास मान्यता दिली आहे. त्यामुळे महापालिकेत तब्बल चार हजार २९२ पदांची भरती (Recruitment) करण्यात येणार आहे. महापालिका ही भरती प्रक्रिया स्वतःच राबविणार आहे.

पालिका आस्थापनेवरील नोकरभरती करण्याची मागणी वेळोवेळी करण्यात आली आहे. १४ डिसेंबरला महापालिकेच्या आर्थिक परिस्थितीचा आढावा घेऊन प्रशासकीय खर्च ३५ टक्के मर्यादेच्या आत राहील याची आयुक्तांनी दक्षता घ्यावी, अशा सूचना नगरविकास विभागाने महापालिकेस दिल्या आहेत. त्यामुळे महापालिका लवकरच नोकरी भरती करणार आहे. त्या दृष्टीने प्रशासन विभागाने तयारी सुरू केली आहे.

हेही वाचा: पिंपरी शहरातील १५ ते १८ वयोगटासाठी गुरूवारपासून ‘कोव्हॅक्सिन’ लस

अत्यावश्यक असलेली पदे प्राधान्याने भरली जाणार आहे. त्यात वैद्यकीय, आरोग्य, विद्युत, पाणीपुरवठा या अत्यावश्यक विभागाला प्राधान्य दिले जाणार आहे. त्यात लिपिक, प्रशासन अधिकारी, अभियंता व इतर आवश्यक कर्मचाऱ्यांची भरती केली जाणार आहे. खासगी संस्थेच्या माध्यमातून भरती करत असताना अनेक गैरप्रकार घडत असल्याचे निदर्शनास आहे. त्यामुळे महापालिकेने भरती प्रक्रिया स्वतःच राबविण्याचा निर्णय घेतला आहे, अशी माहिती पालिकेचे प्रशासन विभागाचे उपायुक्त सुभाष इंगळे यांनी दिली.

महापालिकेची निवडणूक मुदतीमध्ये झाल्यास या महिन्याच्या अखेरीस आचारसंहिता लागू होऊ शकते. आगामी निवडणूक व आचारसंहिता लक्षात घेता महापालिका प्रशासन आता नोकरी भरती राबविणार का? असा प्रश्‍न उपस्थित केला जात आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top