विक्रीसाठी मेफेड्रॉन बाळगणारा जेरबंद

विक्रीसाठी मेफेड्रॉन जवळ बाळगल्याप्रकरणी एकाला शस्त्र विरोधी पथकाने जेरबंद केले. त्याच्याकडून ३२ लाख रूपयांचा मुद्देमाल जप्त केला. ही कारवाई चाकण-तळेगाव मार्गावरील सुदवडीगावच्या हद्दीत करण्यात आली.
नदीम इनायत पटेल (वय ३३, रा. उर्से रोड , तळेगाव, मूळ- सैनिक नगर, मुंब्रा, ठाणे) असे अटक केलेल्या आरोपीचे नाव आहे. आरोपीकडे मेफेड्रॉन हा अंमली पदार्थ असल्याची माहिती पथकाला मिळाली. त्यानुसार पथकाने भंडारा डोंगरच्या पायथ्याला सापळा रचून पटेलला ताब्यात घेतले. त्याच्याकडे २७ लाख २० हजार रूपये किंमतीचा २७२ ग्रॅम मेफेड्रॉन तसेच सोळा हजार ७०० रुपयांची रोकड, एक मोटार व दोन मोबाईल असा एकूण ३२ लाख ६१ हजार रूपयांचा मुद्देमाल सापडला. आरोपीने हा माल मुंब्रा येथील मुन्नाभाई यांच्याकडून विकत घेतल्याचे समोर आले.
याप्रकरणी तळेगाव एमआयडीसी पोलिस ठाण्यात गुन्हा दाखल आहे.