मेळावा, चर्चासत्रास शेतकऱ्यांचा प्रतिसाद

उर्से, ता. १८ : ग्रामीण कृषी कार्यानुभव उपक्रमांतर्गत बेबडओहळ ग्रामपंचायत येथे कृषी मेळावा व चर्चासत्र आयोजित करण्यात आले. यात पिकांविषयी उपाययोजना सुचवून शेतकऱ्यांना मार्गदर्शन करण्यात आले.
मेळाव्यास उप कृषी अधिकारी नवीन बोराडे यांनी शेतकऱ्यांना खरीप पिके उत्पादकता वाढविण्याच्या विविध उपाययोजना, तसेच उपकृषि अधिकारी विकास गोसावी यांनी शेती व शेतीसंलग्न कृषी व्यवसायाशी निगडित शासकीय योजना आणि सहायक कृषी अधिकारी अश्विनी खंडागळे यांनी भात पिकाच्या उत्पादन वाढीसाठी चारसूत्री पद्धतीने लागवड व युरिया ब्रिकेट वापराबाबत मार्गदर्शन केले. चर्चासत्रामध्ये शेतकऱ्यांनी त्यांचे प्रश्न मांडले. त्यावर कृषी अधिकाऱ्यांनी उपाययोजना सुचविल्या.
या शेतकरी मेळाव्यास बेबडडोहळ ग्रामपंचायत सरपंच तेजल घारे, उपसरपंच ज्योती घारे, ग्रामस्थ व अधिकारी उपस्थित होते.