शिष्यवृत्ती परीक्षेत आढे येथील विद्यार्थ्यांचे यश

उर्से, ता. १८ : इयत्ता पाचवीच्या शिष्यवृत्ती परीक्षेमध्ये आढे जिल्हा परिषद शाळेतील विद्यार्थ्यांनी यश संपादन केले. या शाळेतून परीक्षेला सतरा विद्यार्थी बसले होते. त्यातील बारा जण उत्तीर्ण झाले. यामध्ये आराध्या विजय बोरकर हिने २७० गुण मिळवत जिल्ह्यात गुणवत्ता यादीत चौथा, आराध्या कुंडलिक सुतार २५६ गुण-अकरावा, गायत्री गणपत कारके-२५० गुण-चौदावा क्रमांक पटकावला. तर, सई गणेश सुतार हिने २१८ गुण मिळवले. चार विद्यार्थ्यांनी २००पेक्षा अधिक गुण मिळवले. या विद्यार्थ्यांना वर्गशिक्षक अमित सारडा, मुख्याध्यापिका आरती दळवी यांनी मार्गदर्शन केले. यावेळी आढे गावच्या सरपंच सुनीता सुतार, शाळा व्यवस्थापन समिती अध्यक्ष नवरंग सुतार यांच्यासह ग्रामस्थ, शिक्षक उपस्थित होते.