कासारसाई धरणात बुडालेल्या युवकाचा मृत्यू

उर्से, ता.२१ : कासारसाई धरणात रविवारी (ता.२१) सकाळी अकरा वाजण्याच्या सुमारास युवक बुडाला होता. दरम्यान, सोमवारी (ता.२१) दुपारी त्याचा मृतदेह सुमारास आढळून आला.
संतोष शहाजी राऊत (वय १९, रा. साने कॉलनी चिखली, मूळ मालेगाव ता. केज, जि. बीड) असे मृत्यू झालेल्या युवकाचे नाव आहे. तो त्याच्या इतर मित्रांसोबत कासारसाई धरण परिसरात रविवारी पर्यटनासाठी आला होता. धरणाच्या पाण्यात पोहताना तो बुडाला होता. 
रविवारी दिवसभर व सोमवारी सकाळपासून वन्यजीव रक्षक मावळ संस्था व शिवदुर्ग रेस्क्यू लोणावळा या युवकाचा शोध घेत होते. रविवारी रात्री शोधकार्य थांबविण्यात आले होते. सोमवारी सकाळी पुन्हा शोध घेण्यात आला होता. वन्यजीव रक्षक मावळ संस्था व शिवदुर्ग रेस्क्यू लोणावळा पथकातील नीलेश गराडे, सुनील गायकवाड, महेश मसने, राजेंद्र कडू, आकाश मोरे, अनिल आंद्रे, शुभम काकडे, विनय सावंत, अनिश गराडे, विकास दोड्डी, हर्षद काळोखे, योगेश दळवी, अजय हुगे यांच्या पथकाने ही शोधमोहीम राबवली.