पुणे नाशिक महामार्गालगत होतोय वॉकिंग ट्रॅक

पुणे नाशिक महामार्गालगत होतोय वॉकिंग ट्रॅक

भोसरी, ता. १९ ः महापालिकेच्या वतीने नाशिक फाटा ते लांडेवाडी चौकापर्यंत सहा मीटर रुंद व एक हजार दोनशे मीटर लांबीच्या वॉकिंग ट्रॅकचे काम सुरू करण्यात आले आहे. त्यामुळे नागरिकांची चांगली सोय होणार आहे. या ट्रॅकमुळे महामार्गही स्वच्छ राखण्यास मदत होणार आहे.

सद्यस्थिती
- पुणे नाशिक महामार्गाच्या दोन्ही बाजूला व्यावसायिकांद्वारे बांधकामातील राडारोडा, विक्रेत्यांद्वारे टाकाऊ माल, काही कंपन्याद्वारे रसायनमिश्रीत धोकादायक टाकाऊ पदार्थ टाकले जातात
- काही अज्ञाताद्वारे तर ट्रॅकमधून कचरा आणून रस्त्याच्याकडेला टाकण्याचा प्रकार होतात
- कचऱ्याच्या ट्रकला अडथळा करण्यासाठी महामार्गाच्या दोन्ही बाजूला चर खोदण्यात आले आहे
- महामार्गाचे विद्रुपीकरण


असा असेल ट्रॅक
- वॉकिंग ट्रॅक मुरुम, दगड, माती यांचा उपयोग करून तयार करण्यात येतोय
- नैसगिक पद्धतीने तयार करण्यात येत असल्याने नागरिकांना आपले आरोग्य राखण्यासाठी होणार उपयोग
- ट्रॅकची रुंदी सहा मीटर तर लांबी एक हजार दोनशे मीटर असणार
- पुना स्कूलजवळील लष्करी अभियांत्रिकी महाविद्यालय भिंतीलगतच्या महामार्गालगतच्या भागाचे लांडेवाडीतील ऐतिहासिक प्रवेशद्वारापर्यंत सपाटीकरण
- वॉकिंग ट्रॅक उभारल्यानंतर या रस्त्यावर नागरिकांची वर्दळ सुरू झाल्यास रस्त्याच्या कडेला कचरा टाकणाऱ्यांवर बसणार आळा
- ट्रॅकचे काम अंतिम टप्प्यात सुरू

याकडेही लक्ष द्या
- हा वॉकिंग ट्रॅक नैसर्गिक पद्धतीने उभारण्यात येत असला तरी ट्रॅकमध्ये येणारे अडथळे दूर करण्याचा महापालिकेला विसर
- भोसरी पोलिस ठाण्याजवळ दुर्घटनेतील टेम्पो ट्रॅकच्या बाजूला न काढता त्याच्यावरच माती टाकून तो अर्धा वाकिंग ट्रॅकमध्ये बुजवला गेला
- अंडी उबवणी केंद्राजवळ वॉकिंग ट्रॅकमध्ये येणारे भंगाराचे दुकानाचे अतिक्रमणही काढण्यात आलेले नाही
- ट्रॅकवरून पायी चालणाऱ्या नागरिकांना याचा अडथळा निर्माण होऊ शकतो

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com