पीएमटी चौकातील निखळलेले पेव्हिंग ब्लॉक बसवले

भोसरी, ता. १ ः येथील पीएमटी चौकातील पुणे-नाशिक महामार्गाच्या सेवा रस्त्यावर महापालिकेच्या बीआरटीएस विभागाद्वारे केबल टाकण्याच्या कामानंतर पदपथावरील पेव्हिंग ब्लॉक बसविले नव्हते. त्यामुळे पदपथावर चर पडली होती. पदपथावरून भोसरी गावठाण व परिसरात ये-जा करण्याचा रस्ता असल्याने या चरीत रिक्षा व दुचाकी अडकून अपघात होत होता. या विषयाची बातमी ‘सकाळ’मध्ये शुक्रवारी (ता. २८) प्रसिद्ध झाल्यावर पिंपरी-चिंचवड महापालिकेच्या बीआरटीएस विभागाने पदपथावरील निखळलेले पेव्हिंग ब्लॉक बसविल्यामुळे वाहनचालक आणि नागरिकांमधून समाधान व्यक्त होत आहे.