दिघीमध्ये गुढीपाडव्यानिमित्त शोभायात्रा

दिघीमध्ये मिरवणूक
भोसरी : गुढीपाडव्यानिमित्त दिघी ग्रामस्थांनी दुचाकीवरून मिरवणूक काढत नववर्ष साजरे केले. यावेळी ग्रामस्थ पारंपारिक वेशभूषेत सहभागी झाले होते. शोभायात्रेला सुरवात दिघीतील विठ्ठल रुक्मिणी मंदिरातून करण्यात आली. गुढीची मिरवणूक काढण्यात आली. या गुढीचे जागोजागी नागरिकांनी दर्शन घेतले. ही शोभायात्रा दिघीतील साई पार्क, छत्रपती संभाजी महाराज चौक, शिवनगरी, हिंदू कॉलनी, सावंतनगर कमान, महादेवनगर, आदर्शनगर, भारतमातानगर, गजानन महाराज कॉलनी, मॅक्झिन चौक, बीयू भंडारी, लक्ष्मीनगर, गायकवाडनगर, रुणवाल पार्क, विजयनगर, दिघी गावठाणातून पुन्हा विठ्ठल रुक्मिणी मंदिरात आणण्यात आली.