भोसरी, दिघीत वर्षावासानिमित्त विविध कार्यक्रम

भोसरी, ता. १२ ः भोसरी, दिघी आणि इंद्रायणीनगर परिसरातील बुद्ध विहारांत वर्षावासानिमित्त विविध कार्यक्रम घेण्यात आले. तथागत भगवान गौतम बुद्ध आणि भारतरत्न डॉ. बाबासाहेब आंबेडकर यांना अभिवादन, ‘बुद्ध आणि त्यांचा धम्म’ ग्रंथाचे वाचन, खीर वाटप आदी कार्यक्रम झाले.
भोसरीतील बुद्ध विहार ट्रस्टद्वारे आषाढ पौर्णिमेनिमित्त सतराव्या वर्षावासाला सुरूवात ट्रस्टचे अध्यक्ष दीपक मारुती डोळस, महिला समिती अध्यक्षा संजीवनी कांबळे, विकास डोळस, अश्विनी खोदे यांचे हस्ते तथागत गौतम बुद्ध, विश्वरत्न डॉ. बाबासाहेब आंबेडकर यांच्या प्रतिमांच्या पूजनाने करण्यात आली. यावेळी राजेश डोळस, हनुमंत डोळस, चित्रसेन डोळस, संजय कांबळे, परशुराम कांबळे, बुध्द विहाराचे कार्यकारी सर्व सभासद, उपासक व उपासिका उपस्थित होते.

ग्रंथाचे वाचन
भोसरीतील स्वराजली कला-क्रीडा-मंचाद्वारे तथागत भगवान गौतम बुद्ध आणि डॉ. बाबासाहेब आंबेडकर यांच्या प्रतिमांची पूजा करण्यात आली. यावेळी विश्वरत्न डॉ. बाबासाहेब आंबेडकर यांनी लिहिलेल्या ‘बुद्ध आणि त्यांचा धम्म’ या ग्रंथांच्या वाचनास प्रारंभ करण्यात आला. मंचाद्वारे या ग्रंथाचे वाचन नागरिकांच्या घरोघरी केले जाणार आहे. या उपक्रमाच्या उद्‍घाटनावेळी प्रकाश डोळस, भाग्यश्री धम्मपाल आदींसह समाज बांधव उपस्थित होते. भोसरीतील इंद्रायणीनगरातील आदर्श समाज विकास महासंघाच्या धम्म निनाद बुद्ध विहारामध्ये वर्षावासानिमित्त ‘बुद्ध आणि त्यांचा धम्म’ या ग्रंथाचे वाचन करण्यात आले. उपस्थित त्यांना खिरीचे वाटप करण्यात आले.

बुद्धभीम गीतांचे सादरीकरण
दिघीतील विक्रमशिला प्रबोधिनी बुद्धविहारात वर्षावासानिमित्त मनोहर गाडे, गणेश कापुरे आदींनी डॉ. बाबासाहेब आंबेडकर यांच्याविषयी माहिती सांगितली. ‘बुद्ध आणि त्यांचा धम्म’ या ग्रथांचे वाचन झाले. यावेळी त्रिशरण पंचशील घेण्यात आले. यावेळी अनिल गायकवाड, बाबूराव खंडारे, गोरखनाथ वाघमारे आदी उपस्थित होते. यावेळी सम्यक कापुरे या लहानग्याने डॉ. बाबासाहेब आंबेडकर यांच्याविषयी माहिती सांगितली. यावेळी बुद्धभीम गीतांचे सादरीकरण झाले. उपस्थितांना खीर वाटप करण्यात आले.