कर्तबगार महिलांचा सन्मान

भोसरी, ता. १० ः स्वरांजली कला क्रीडा मंचाद्वारे भोसरीतील गंगोत्री पार्कमध्ये जागतिक महिला दिनानिमित्त कर्तबगार महिलांचा सन्मान करण्यात आला.
यावेळी सिनेअभिनेत्री मृणाल कुलकर्णी, नगरसेविका भीमाबाई फुगे, डॉ. रूपाली खाडे, नलिनी डोळस, सुरेखा यादव, सुरेखा गायकवाड, प्रज्ञा रामटेके आदी उपस्थित होत्या. कार्यक्रमाच्या अध्यक्षस्थानी सुजाता पवार होत्या. दामिनी पथकातील पोलीस कर्मचारी मयुरी शिंगटे, माधुरी मोहारे, अग्निशमन दलाच्या फायरमन स्नेहा जगताप, मनिषा नवले, पूजा वलगुडे आदींचा कार्यक्रमात सन्मान करण्यात आला.
कार्यक्रम यशस्वी करण्यासाठी ज्योती क्षेत्रे, अनुराधा थोरात, भाग्यश्री गायकवाड, वृषाली भालेराव आदींनी परिश्रम घेतले. मिताली वाघ यांनी प्रास्ताविक केले. प्रज्ञा डोळस यांनी सूत्रसंचालन केले. वृषाली भालेराव यांनी आभार मानले.