चाकण वाहतूक कोंडी बातमी विषय

चाकण वाहतूक कोंडी बातमी विषय

Published on

‘‘चाकण औद्योगिक वसाहतीला वाहतूक कोंडीचे ग्रहण लागले आहे. त्यामुळे उद्योगधंद्यावर मोठा परिणाम होत आहे. कंपन्यांतील कामगार वर्ग, अधिकारी वर्ग, उद्योजक, व्यावसायिक यांना कंपन्यांत वेळेवर पोचता येत नाही तसेच कंपनीतून घरी जातानासुद्धा वाहतूक कोंडीचा मोठा त्रास सहन करावा लागतो. ही वाहतूक कोंडी दिवसेंदिवस वाढत आहे. याकडे स्थानिक प्रशासन तसेच राज्य व केंद्र सरकारने गांभीर्याने लक्ष दिले पाहिजे.
-उद्योजक योगेश वाके
-------------------
‘‘औद्योगिक वसाहतीतील वाहतूक कोंडी कमी करण्यासाठी या मार्गांवरील कामे होणे गरजेचे आहे. पुणे - नाशिक महामार्ग, चाकण- तळेगाव, चाकण- शिक्रापूर मार्गाची कामे होणे गरजेचे आहे. नुसती आश्वासने देऊन उपयोगाचे नाही. येत्या काही काळामध्ये या मार्गांची नव्याने कामे झाली तर वाहतूक कोंडी सुटेल. चाकण- तळेगाव - शिक्रापूर मार्गाच्या कामाला राज्य सरकारने मंजुरी दिली आहे. ते काम लवकर सुरू करावे, अशी मागणी उद्योजकांची, स्थानिकांची, कामगारांची आहे.’’
- उद्योजक विजय बोत्रे

वाहतूक कोंडीची ठिकाणे
पुणे- नाशिक महामार्ग ः चिंबळी फाटा, मोई फाटा, बर्गे वस्ती फाटा, कुरुळी फाटा, आळंदी फाटा, एमआयडीसी फाटा, मुटकेवाडी फाटा, तळेगाव चौक, आंबेठाण चौक, बिरदवडी फाटा.

चाकण - तळेगाव मार्ग ः नाणेकरवाडी फाटा, खराबवाडी फाटा, सारासिटी फाटा, महाळुंगे फाटा, महाळुंगे पोलिस चौकी, एमआयडीसी फाटा, औद्योगिक वसाहतीतील महाळुंगे वाहतूक विभाग पोलिस चौकी फाटा, खालुंब्रे गावातील हुंदाई कंपनी फाटा, तसेच देहू, येलवाडी गावाकडे जाणारा फाटा.

चाकण - शिक्रापूर मार्ग ः मेदनकरवाडी फाटा, शेलगाव फाटा, शेलपिंपळगाव, दौंडकरवाडी फाटा.

पुणे- नाशिक महामार्गावरील वाहतूक कोंडी सोडविण्यासाठी उपाययोजना
१) महामार्गाचे रुंदीकरण होणे गरजेचे
२) अतिक्रमणे काढणे
३) तळेगाव चौकातील अवैध प्रवासी वाहतूक थांबवणे
४) वाहनतळ करणे
५) चौकात बस थांबे करणे
६) तळेगाव चौकातील अवैध वाहतुकीच्या रिक्षांना शिस्त लावणे
७) तळेगाव चौकात, आंबेठाण चौकात विद्युत खांब हटविणे
८) महामार्गावर बेशिस्तपणे हातगाड्या व इतर वाहने लावली जातात याकडे लक्ष देणे .
९) सांडपाणी वाहिनीचे चुकीचे झालेले काम पुन्हा नव्याने करणे.


चाकण- तळेगाव- शिक्रापूर मार्गावर वाहतूक कोंडी सोडविण्यासाठी उपाययोजना

१) रस्ता वीस फूट रुंदीचा आहे. त्यामुळे रुंदीकरण करणे
२) अतिक्रमण हटवणे
३) रस्त्यावरील खड्डे बुजविणे
४) खालुंब्रे गावात तसेच देहूफाटा, येलवाडी फाट्यावर अतिक्रमणे वाढलेली आहेत तेथे रस्त्याचे रुंदीकरण करणे गरजेचे आहे.

चाकण - शिक्रापूर मार्गावर वाहतूक कोंडी टाळण्यासाठी उपाययोजना

१) चाकण येथील माणिक चौकातील अतिक्रमणे हटवणे
२) मेदनकरवाडी फाटा येथे बेकायदेशीर पत्र्याची शेड हटवणे
३) मार्गावरील अतिक्रमणे काढून रस्ता रुंदीकरण करणे
४) औद्योगिक वसाहतीतील तसेच पुणे- नाशिक, चाकण, तळेगाव, चाकण शिक्रापूर, चाकण आंबेठाण मार्गाने येणाऱ्या अवजड वाहनांच्या वेळा निर्धारित करणे
५) अवजड वाहनांसाठी औद्योगिक वसाहतीत तसेच चाकण परिसरात वाहनतळ करणे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com