पवनानगरमधील चेंबरवर अखेर नवीन झाकण

चिंचवड, ता.१५ ः पवनानगर परिसरातील जैन शाळेसमोरील चेंबर मोठ्या प्रमाणात तुटलेल्या अवस्थेत होते. चेंबरचे झाकण फुटून त्यामधील लोखंडी सळया उघड्या पडल्या होत्या. यामुळे पादचारी तसेच वाहनचालकांसाठी गंभीर अपघात होण्याची शक्यता होती. याठिकाणी शाळा कॉलेजचा परिसर असल्यामुळे विद्यार्थ्यांची वर्दळ असते. त्यामुळे हे चेंबर दुरुस्त करण्याची गरज होती. त्याबाबतचे वृत्त ‘सकाळ’मध्ये प्रसिद्ध होताच महापालिकेचे उपअभियंता राजकुमार सूर्यवंशी यांनी तत्काळ दखल घेऊन चेंबरचे झाकण दुरुस्त केले. त्यामुळे संभाव्य होणारा अपघाताचा धोका टळला.

CWD25A00861