वाल्हेकरवाडी ‘निमा’तर्फे वारकऱ्यांची आरोग्यसेवा

चिंचवड, ता.२१ : नॅशनल इंटिग्रेटेड मेडिकल असोसिएशन (निमा) पिंपरी चिंचवड शाखा व डॉ. डी. वाय. पाटील फार्मसी कॉलेज यांच्यातर्फे वारकऱ्यांसाठी वाल्हेकरवाडी येथे आरोग्य तपासणी व औषधोपचार शिबिराचे आयोजन करण्यात आले. या उपक्रमात सुमारे ३०० वारकऱ्यांची तपासणी व मोफत औषधोपचार करण्यात आले.
या उपक्रमात डॉ. प्रताप सोमवंशी, डॉ. रमेश केदार, डॉ. सुनील भोये, डॉ. जबीन पठाण, डॉ. वैभव लाडे, डॉ. माधुरी खांजोडे, डॉ. लता जानुगडे व डॉ. वैशाली राजहंस यांनी तपासणी व उपचार सेवा दिली.
फार्मसी कॉलेजकडून प्रा. डॉ. अनिकेत गरुड व एनएसएसच्या विद्यार्थिनींनी उत्साहाने सहभाग घेतला आणि सेवा कार्यात हातभार लावला. आरोग्य तपासणीनंतर वारकऱ्यांसोबत पारंपरिक रिंगण सोहळा उत्साहात साजरा करण्यात आला.