आदिवासी विद्यार्थ्यांना शालेय साहित्याचे वाटप

चिंचवड, ता.२ ः संस्कार प्रतिष्ठानच्यावतीने रायगड जिल्ह्यातील देवपाडा व जुम्मापट्टी (ता.कर्जत) येथील जिल्हा परिषद प्राथमिक शाळांमधील एकूण २३२ आदिवासी विद्यार्थ्यांना शालेय साहित्य वाटप करण्यात आले. उपक्रमाचे यंदाचे २० वे वर्ष होते.
संस्थेकडून दरवर्षी आदिवासी भागातील विद्यार्थ्यांना शालेय साहित्य वाटप केले जाते. देवपाडा शाळेतील १५१ विद्यार्थ्यांना वह्या, पेन, पेन्सिल, पाटी, खोड रबर, चित्रकला वही, रंगपेटी, कंपास पेटी आदी साहित्य प्रभाकर मेरुकर यांच्या हस्ते वितरित करण्यात आले. शाळेचे मुख्याध्यापक किसन दरवडा, अशोक मसे, सरिता अहिरे व अर्चना गोड उपस्थित होते.
जुम्मापट्टी शाळेतील ८१ विद्यार्थ्यांना वसंत दळवी यांच्या हस्ते साहित्य वाटप झाले. मुख्याध्यापिका स्मिता म्हात्रे, गीता पाटील, छाया चव्हाण, वैशाली ढोले उपस्थित होत्या. संस्थेचे अध्यक्ष मोहन गायकवाड यांनी संयोजन केले. राजेंद्र फडतरे, सोहन चितलांगे, संध्या स्वामी, सायली सुर्वे, अरुण कळंबे, पुष्पा संचेती, सुनीता गायकवाड, दीपाली मोरे, मंजुश्री जंगम, स्तुती सोमवंशी, सिद्धी ढेरे आदींचे सहकार्य लाभले.

CWD25A01471