रोटरी क्लबच्या अध्यक्षपदी चव्हाण

चिंचवड, ता.३ ः रोटरी क्लब ऑफ वाल्हेकरवाडीचे मावळते अध्यक्ष गोविंद जगदाळे व सचिव सुभाष वाल्हेकर यांनी नवनियुक्त अध्यक्ष भरत चव्हाण व सचिव वसंत ढवळे यांच्याकडे पदभार सोपवला.
याप्रसंगी संस्थापक अध्यक्ष प्रदीप वाल्हेकर, गोविंद चितोडकर, राजाभाऊ चिंचवडे, मोहन पवार तसेच फर्स्ट लेडी कावेरी चव्हाण व राजश्री ढवळे यांची उपस्थिती होती. एक जुलै हा ‘डॉक्टर्स डे’ असल्याने क्लबतर्फे त्रिवेणी हॉस्पिटलमधील सर्व डॉक्टर्स तसेच वाल्हेकरवाडी परिसरातील डॉक्टरांना गुलाब पुष्प व प्रशस्तीपत्र देऊन कृतज्ञता व्यक्त करण्यात आली.
कार्यक्रमाला अनेक मान्यवर व इतर रोटरी क्लबच्या सदस्यांनी उपस्थित राहून नवनिर्वाचित पदाधिकाऱ्यांना शुभेच्छा दिल्या.