चिंचवडमध्ये मोटार उलटली

चिंचवड, ता. ७ ः महावीर चौकातून चिंचवड गावाकडे जात असताना सकाळी साडेआठच्या सुमारास टाटा मोटर्स समोर दोन मोटारींचा अपघात झाला. त्यामध्ये एक मोटार उलटी झाली. सुदैवाने अपघातात कोणालाही दुखापत झाली नाही.
राहुल दुचाकी गॅरेजसमोरील गतिरोधकाजवळ हा अपघात घडला. मोटारचालक (एमएच १४ केएन ४९५२) याने उजवीकडे वळताना ब्रेक दाबला. त्याचवेळी मागून भरधाव वेगात आलेल्या (एमएच १४ जेए ०२६२) मोटारीने अचानक ब्रेक दाबल्यामुळे तिचे संतुलन बिघडून ती डावीकडे वळली आणि समोरील मोटारीला किंचित धडकून उलटली. काही वेळातच वाहतूक पोलिस व चिंचवड पोलिस घटनास्थळी दाखल झाले. क्रेनच्या साहाय्याने मोटार बाजूला करण्यात आली. कोणाची तक्रार नसल्यामुळे स्टेशन डायरीमध्ये वरील घटनेची केवळ नोंद करण्यात आली.
PNE25V29426