‘समाजाला धर्मशिक्षणाची गरज’

चिंचवड, ता.१५ : ‘‘समाजाला धर्मशिक्षणाची गरज आहे. आनंद व शांती ही केवळ सत्संगातूनच प्राप्त होते,’’ असे प्रतिपादन विश्व हिंदू परिषदेचे दादा वेदक यांनी केले.
सनातन संस्थेच्यावतीने चिंचवड येथे आयोजित गुरुपौर्णिमा महोत्सवात ते प्रमुख पाहुणे म्हणून बोलत होते.महोत्सवाची सुरुवात श्रीव्यास पूजन व भक्तराज महाराज यांच्या प्रतिमा पूजनाने झाली. यानंतर सनातन संस्थेचे संस्थापक डॉ.जयंत आठवले यांच्या संदेशाचे वाचन करण्यात आले. ‘सनातन राष्ट्र शंखनाद’ या विषयावर प्रेरणादायी व्हिडिओ सादर करण्यात आला. सामूहिक नामजप यज्ञ व संकल्प करण्यात आला. यावेळी धर्म, अध्यात्म, साधना यासारख्या विविध विषयांवरील ग्रंथ आणि फलक प्रदर्शन लावण्यात आले.शिवकालीन दुर्मिळ शस्त्रास्त्रांचे विशेष प्रदर्शन हे सर्वांचे आकर्षण ठरले.