माथेरान परिसरात वृक्षारोपण

चिंचवड, ता.१५ ः पर्यावरण संवर्धनाच्या उद्देशाने संस्कार प्रतिष्ठान, पिंपरी-चिंचवड व जिल्हा परिषद प्राथमिक शाळा, जुम्मापट्टी (ता. कर्जत, जि. रायगड) यांच्या संयुक्त विद्यमाने माथेरान परिसरासह शाळेच्या परिसरात विविध प्रजातींच्या ५१ झाडांचे रोपण करण्यात आले.
संस्कार प्रतिष्ठानचे संस्थापक अध्यक्ष मोहन गायकवाड यांच्या मार्गदर्शनाखाली प्रभाकर मेरूकर, वसंत दळवी, राजेंद्र फडतरे, संध्या स्वामी, सायली सुर्वे, अरुण कळंबे, पुष्पा संचेती, सुनीता गायकवाड, दीपाली मोरे, मंजुश्री जंगम, स्तुती सोमवंशी व सिद्धी ढेरे यांनी सक्रिय सहभाग घेतला. शाळेच्या मुख्याध्यापिका स्मिता म्हात्रे, गीता पाटील, छाया चव्हाण, वैशाली ढोले आणि इतर शिक्षक व विद्यार्थी यांनीही उत्साहाने सहभाग नोंदवला.