श्री मोरया पुरस्कार समितीकडून मंडळांचे परीक्षण
चिंचवड, ता.७ ः दरवर्षीप्रमाणे यंदाही श्री मोरया पुरस्कार समितीने सार्वजनिक गणेशोत्सव मंडळांचे परीक्षण केले. समितीच्या स्वागत कक्षात परीक्षकांनी भेट देऊन गुणांकन केले. पोलिस आयुक्त विनयकुमार चौबे यांनी स्वतः चापेकर चौकात हजेरी लावून मिरवणुकीची पाहणी केली.
पोलिस अधिकारी तेजस्विनी कदम यांच्या नेतृत्वाखालील केंद्रीय समितीने परिमंडळ स्तरावरील गुणांकनासोबत थेट मंडळांना भेटी दिल्या. यावर्षी समितीने विशेषतः गुलालाचा वापर टाळा, डीजेचा वापर करू नका, समाजोपयोगी उपक्रम राबवा, असा संदेश दिला. समितीच्या सदस्यांनी वर्षभर मंडळांमध्ये जनजागृतीचे कार्यही हाती घेतले.
पोलिस आयुक्त विनयकुमार चौबे यांनी स्वतः चापेकर चौकात हजेरी लावून मिरवणुकीची पाहणी केली. श्री मोरया पुरस्कार समिती, ग्रामरक्षक दल व चिंचवड पोलिस ठाण्यातर्फे धनंजय कुलकर्णी, सुभाष मालुसरे व सतीश भारती यांनी पुष्पगुच्छ देऊन त्यांचे स्वागत केले. यावेळी वाहतूक शाखेचे उपायुक्त विवेक पाटील, अतिरिक्त आयुक्त सारंग आवाड तसेच परिमंडळ एकचे उपायुक्त संदीप आटोळे उपस्थित होते. आयुक्त चौबे यांनी पोलिस विभागाने केलेल्या नियोजनाची व समितीच्या कार्याची प्रशंसा केली.
विसर्जन मिरवणुकीदरम्यान संपूर्ण सुरक्षा व वाहतूक नियंत्रणाचे नियोजन चिंचवड विभागाचे सहाय्यक पोलिस आयुक्त विठ्ठल कुबडे यांच्या मार्गदर्शनाखाली करण्यात आले. वरिष्ठ पोलिस निरीक्षक अंकुश बांगर, पोलिस निरीक्षक दीपक गोसावी तसेच इतर अधिकारी-कर्मचारी यांनी रात्री उशिरापर्यंत बंदोबस्ताची जबाबदारी सांभाळली. पोलिसांना ग्रामरक्षक दल, शांतता समिती व महिला दक्षता समितीच्या सदस्यांचे सहकार्य लाभले. तब्बल ३५ स्वयंसेवक रात्रभर बंदोबस्तात कार्यरत राहिले.
CWD25A01991, CWD25A01992
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.