चिंचवडमधील तुटलेला नामफलक हटविला

सकाळ इम्पॅक्ट

चिंचवड, ता. १० ः चिंचवडगावातील शहीद अशोक कामटे बसस्थानकाचा टांगलेल्या अवस्थेतील फलक अखेर हटविण्यात आला. तसेच आरोग्य विभागाकडून बसस्थानक परिसरातील कचऱ्याची देखील स्वच्छता करण्यात आली.
बसस्थानकावरचा शहीद अशोक कामटे यांच्या नावाचा फलक तुटलेल्या अवस्थेत व कुठेही वेडेवाकडे मॉलच्या भिंतीवर तारेने बांधून ठेवलेला दिसत होता. बसस्थानक परिसरात असणारे कचऱ्याचे डबे भरून कचरा खाली पडलेला होता. त्यामुळे परिसरातील नागरिकांनी संताप व्यक्त केला होता. त्याबाबत ‘शहीद अशोक कामटे बस स्थानकाची दुरवस्था’ हे वृत्त
‘सकाळ’ मध्ये प्रसिद्ध होताच त्याची महापालिकेने तत्काळ दखल घेत कार्यवाही केली.