संत नामदेव महाराज संमेलन यशस्वी करण्याचा निर्धार

चिंचवड, ता. ८ ः संत नामदेव महाराज राष्ट्रीय एकात्मता विश्व नागपूर महासंमेलनासाठी पिंपरी-चिंचवड नामदेव शिंपी समाज संस्थेतर्फे आयोजित उत्साहवर्धक बैठक वाल्हेकरवाडीत झाली. अध्यक्ष एकनाथ सदावर्ते उपस्थित होते. सदावर्ते यांनी विश्व महासंमेलनाचे उद्दिष्ट, समाज संघटनाचे महत्त्व व नागपूर येथे होणाऱ्या ऐतिहासिक कार्यक्रमाबद्दल माहिती दिली. विश्व महासंमेलनाचे अध्यक्ष भास्कर टोंम्पे यांनी संत नामदेव महाराजांनी दिलेल्या समत्व, ऐक्य आणि भक्तीपर संदेशाचे महत्त्व अधोरेखित केले. नागपूर येथे सर्वांनी सहभाग घेऊन यशस्वी करण्याचे आवाहन केले. गणेश खैरनार, अहीर शिंपी, अनंत जांगजोड, राजन उरुणकर, उषा पोरे, संदीप लचके, पुरुषोत्तम निकते आदींनी विचार मांडले. सूत्रसंचालन रेखाताई गाडेकर यांनी केले. आभार उमा बगाडे यांनी मानले.