कोण कोणाच्या गळ्यात अडकले?काहीच कळेनासे झालेय; •पिंपरी-चिंचवडचा विकास ‘चार्जिंग पॉइंट’वरच थांबलेला...

रणांगण अवतीभवती
----
कोण कुठे? कसा?
काहीच कळेना!
चिंचवड ः एकेकाळी शिस्तबद्ध नियोजन, दीर्घकालीन दृष्टी आणि विकासाचा ठोस आराखडा यासाठी पिंपरी चिंचवड शहराची ओळख होती. सध्याची अवस्था ‘कोण कोणाच्या गळ्यात काय अडकलंय, तेच कळेनासं’ अशी झाली आहे. त्यामुळे शहराच्या विकासांचे मुद्दे बाजूला पडल्याचे चित्र आहे. जनतेसाठी विकासाचे नाव घ्यायचे आणि त्यांचाच विश्वासघात करून नंतर एकत्र येऊन स्वतःची तुंबडी भरायची असा उद्योग बिनबोभाट सुरू आहे. शहराला दूरदृष्टी, प्रामाणिक प्रशासन आणि विकासकेंद्री राजकारणाची गरज आहे. अन्यथा सत्तासंघर्षात अडकलेले हे शहर केवळ राजकीय प्रयोगशाळा बनण्याचा धोका निर्माण झाला आहे.