‘जन्मोत्सव महापुरुषांचा संकल्प पर्यावरण संवर्धनाचा’

देहू, ता. १५ ः वृक्षदाई संस्थेच्या वतीने छत्रपती शंभूराजे यांच्या जन्मोत्सवानिमित्त ‘जन्मोत्सव महापुरुषांचा संकल्प पर्यावरण संवर्धनाचा’ या संकल्पनेतून महापुरुषांच्या जयंतीनिमित्त देशी वृक्ष लावण्यात आले. छत्रपती शंभुराजे यांच्या ३६७ व्या जयंतीनिमित्त देहूतील जलशुद्धीकरण केंद्र येथे वड, पिंपळ, कडुनिंब, औदुंबर, अर्जुन, ताम्हण, बहावा अशा ३२ देशी वृक्षांचे रोपण व्याख्याते तथा प्रवचनकार गणेश महाराज शिंदे, बांधकाम व्यावसायिक गोपालक शिवाजी शिऊडकर यांच्या हस्ते झाले.
देहूच्या नगराध्यक्षा पूजा दिवटे, अध्यक्ष शिवाजी मोरे, देहू नगरपंचायत कार्यालयीन अधीक्षक रामराव खरात, संग्राम पाटील, अमोल गाडेकर, सुभाष पाटील, महेश चौधरी, केदार शिंदे, राकेश वाघमारे, सुनील निंभोरकर, विकास बोराडे, सुनील सरवळे, हंसराज लांजेवार, मंगेश घुरुडे, अमित चौधरी, मच्छिंद्र गवळी आदी उपस्थित होते.
शिंदे महाराज म्हणाले, ‘‘छत्रपती शिवाजी महाराज, छत्रपती शहाजी महाराज व शंभूराजे यांचे पर्यावरणाशी अतूट नाते होते. याबाबतचे दाखले देत आपण ही या संस्थेचा एक भाग बनू आणि पर्यावरणासाठी चांगल्या पद्धतीने योगदान देऊ.’’ सचिव संतोष हगवणे, पूजा दिवटे यांनी मनोगत व्यक्त केले. सूत्रसंचालन सुभाष पाटील यांनी केले.