देहूगाव तलाव परिसरात २०० रोपांची लागवड

देहू, ता. २२ : येथील देहू इंजिनिअरिंग इंडिया प्रायव्हेट लिमिटेड यांच्यामार्फत व वृक्षदाई संस्था देहूगाव यांच्या सहकार्याने गायरान जमिनीवर मोठ्या तलावाशेजारी २०० रोपांची लागवड करण्यात आली. दरम्यान, ‘‘आपण सर्वांनी भविष्यातही वृक्षारोपण करावे,’’ असे आवाहन कंपनीचे कासिराज गणपतेय यांनी केले. ‘स्टडी इन द जनरल नेचर’ संस्थेच्या सर्वेक्षणानुसार पृथ्वीवरील वातावरणाचा समतोल राखायचा असेल, तर प्रतव्यक्ती ४२३ वृक्ष असणे गरजेचे आहे. सध्या आपल्या देशामध्ये हे प्रमाण फक्त २८ आहे. त्यामुळे मोठ्या प्रमाणावर वृक्षारोपण व वृक्ष संवर्धनाची गरज आहे, असे मत ‘वृक्षदायी’चे अध्यक्ष शिवाजी महाराज मोरे यांनी व्यक्त केले. कार्यक्रमाचे स्वागत व सूत्रसंचालन सुभाष पाटील यांनी केले. विलास बोराडे यांनी आभार मानले. यावेळी सर्व कर्मचारी व वृक्षदाई संस्थेचे सदस्य उपस्थित होते.