देहूचे नगराध्यक्षपद महिला सर्वसाधारण प्रवर्गासाठी

देहू, ता.६ : नगराध्यक्ष पदाच्या आरक्षण सोडतीत देहू नगराध्यक्षपद हे महिला सर्वसाधारण प्रवर्गासाठी जाहीर झाले आहे, अशी माहिती देहू नगरपंचायतचे मुख्याधिकारी चेतन कोंडे यांनी सोमवारी दिली.
कोंडे म्हणाले, ‘‘देहू नगरपंचायतीची निवडणूक दीड वर्षांनी आहे. नगर विकास खात्याने मंत्रालयात जानेवारी २०२१ मध्ये झालेल्या १०५ नगरपंचायतीचे आरक्षण जाहीर केले आहे. त्यात देहूसाठी सर्वसाधारण महिलासाठी नगराध्यक्षपद राखीव आहे.’’
नगराध्यक्षपद सर्वसाधारण महिला गट राखीव झाल्याने विविध पक्षांच्या इच्छुक महिलांनी आनंद व्यक्त केला.